讀者投稿《恨抱孫老爺奶奶篇》
其實我奶奶本身就無咩野，可能因為唔係一齊住，都好少磨擦，但有個好大既問題就係佢地屋企係好傳統好恨抱孫，咁就好煩喇。
結婚之前佢地已經好恨好恨抱孫，但我同老公都唔想要小朋友，6299其實一早知，只不過唔想接受呢個事實。
結婚之後就一直不停有意無意咁叫我地快啲生B, 連啲親戚都俾說話我聽催埋一份，我有次忍唔住話無錢養（呢個都係事實），99就用鄉下話同我老公講一堆野，我唔識聽，不過都應該唔係咩好說話。
6299講到抱孫係佢地一生人最大既心願，但我想佢地明白而家生小朋友唔係生左出黎就算，要用好多時間心機金錢同愛，你地一星期玩BB 一兩次梗係好玩，但照顧BB 到大既人係我，我自問未有咁既心理準備，而且而家養個細路同上一代好唔同，我自問唔想個小朋友喺個咁大壓力既地方長大，而且經濟原因都有影響，我62 係長期病人，主要由我老公俾錢去醫，都係一筆大支出，我地連樓都無錢買，但6299仲有佢啲親戚就完全無視呢啲野。
我真係好想同佢地講一句，你地咁想生不如自己生，人地生唔生關你地咩事？？？係咪你湊你養你餵奶換屎片？😡😡😡😡
當然呢啲說話我一句都無講過……😞😞😞
退一步海闊天高。
Search